İmam Hüseyn (ə)-ın şəhadətinin 40-cı

günü İslamda Ərbəin adlanır. Ərbəin ziyarəti islam mənbələrində möminin əlamətlərindən hesab olunur.

Bu ziyarəti yerinə yetirmək üçün dünyanın müxtəlif yerlərindən milyonlarla insanlar Kərbəlaya üz tutub. O, cümlədən Azərbaycandan da İmam Hüseyn(ə) ziyarət etmək üçün yola çıxanlar var.

Hal-hazırda Azərbaycan zəvvarları Nəcəfdən İmam Hüseyn(ə)-ı ziyarət etmək üçün Kərbəlaya piyada yürüşdə iştirak edirlər. 

Ziyarətdə olan zəvvarlar öz təəssüratlarını bizlərlə bölüşüblər. Burda gördükləri hər bir xidmət fədakarlığın və təmənnasız insanların bir-birinə xidmət etməsinin bariz nümunəsidir.

Ərbəin ziyarəti insanları bir-birinə qarşı mehriban davranmağı, bölüşməyi, ilahi hədəfləri ayaqda saxlamağı və yaşatmağı öyrədir.

Bu ziyarətdə olanların yol boyu etdikləri duaların içində Şəhidlər xüsusi yer tutur. İnsanlar bu yolda İmam Mehdi(ə.f)-ı yad edir və onun zühuru üçün dualar edirlər.

Ərbəin əslində, zühur üçün bir müqəddimədir. Ərbəin ziyarəti İmam Hüseyn(ə) hədəflərini dünyaya aşılayır.