Vacib - Həsən Əskəri Dərnəyi

Vacib - Həsən Əskəri Dərnəyi https://heseneskeri.az/ az Vacib - Həsən Əskəri Dərnəyi DataLife Engine Qədr gecəsinin əməlləri. https://heseneskeri.az/33819-qedr-gecesinin-emelleri.html https://heseneskeri.az/33819-qedr-gecesinin-emelleri.html Aqshin Thu, 28 Mar 2024 17:43:22 +0400

]]>

Ramazan ayının 19-21-23-cü gecəsi “Qədr” gecələridir. “Qədr” gecəsi min aydan fəzilətli olduğu kimi, həmin gecə yerinə yetirilən yaxşı əməllər də min ayın yaxşı əməllərindən üstün, fəzilətlidir və həmin gecələrə məxsus əməllər aşağıdakılardan ibarətdir:

1. Qüsl etmək; Onu elə həmin gün günbatan vaxtı yerinə yetirmək daha yaxşıdır; belə ki, şam namazı qüsllə qılınsın.

2. Əhya saxlamaq (gecəni oyaq qalıb ibadət və raz-niyazla keçirmək); Nəql olunur ki, شhər kim Qədr gecələrini ehya saxlasa, günahları göydəki ulduzların, dağların ağırlığı və dənizlərin tutumu qədər olsa belə bağışlanar.

3. İmam Hüseyni (ə) (yaxından və yaxud uzaqdan) ziyarət etmək;

4. “Cövşən-Kəbir” duasını oxumaq;

5. Peyğəmbəri-Əkrəmə (s) və onun Əhli-beytinə salam və salavat göndərmək;

6. Bu duanı oxumaq:

اللَّهُمَّ إِنِّي أَمْسَيْتُ لَكَ عَبْدا دَاخِرا لا أَمْلِكُ لِنَفْسِي نَفْعا وَ لا ضَرّا وَ لا أَصْرِفُ عَنْهَا سُوءا أَشْهَدُ بِذَلِكَ عَلَى نَفْسِي وَ أَعْتَرِفُ لَكَ بِضَعْفِ قُوَّتِي وَ قِلَّةِ حِيلَتِي فَصَلِّ عَلَى مُحَمَّدٍ وَ آلِ مُحَمَّدٍ وَ أَنْجِزْ لِي مَا وَعَدْتَنِي وَ جَمِيعَ الْمُؤْمِنِينَ وَ الْمُؤْمِنَاتِ مِنَ الْمَغْفِرَةِ فِي هَذِهِ اللَّيْلَةِ وَ أَتْمِمْ عَلَيَّ مَا آتَيْتَنِي فَإِنِّي عَبْدُكَ الْمِسْكِينُ الْمُسْتَكِينُ الضَّعِيفُ الْفَقِيرُ الْمَهِينُ اللَّهُمَّ لا تَجْعَلْنِي نَاسِيا لِذِكْرِكَ فِيمَا أَوْلَيْتَنِي وَ لا [غَافِلا] لِإِحْسَانِكَ فِيمَا أَعْطَيْتَنِي وَ لا آيِسا مِنْ إِجَابَتِكَ وَ إِنْ أَبْطَأَتْ عَنِّي فِي سَرَّاءَ [كُنْتُ‏] أَوْ ضَرَّاءَ أَوْ شِدَّةٍ أَوْ رَخَاءٍ أَوْ عَافِيَةٍ أَوْ بَلاءٍ أَوْ بُؤْسٍ أَوْ نَعْمَاءَ اِنَّكَ سَمِيعُ الدُّعَاءِ

Duanın oxunuşu: Əllahummə inni əmsəytu ləkə əbdən daxirən la əmliku linəfsi nəf`ən və la zərra, və la əsrifu ənha sua, əşhədu bizalikə əla nəfsi və ə`tərifu ləkə bizə`fi quvvəti və qilləti hiləti, fəsəlli əla Muhəmmədin və ali-Muhəmməd, və ənciz li ma vəədtəni, və cəmiəl mu`mininə vəl mu`minat, minəl məğfirəti fi hazihil-ləyləh, və ətmim ələyyə ma atəytəni, fəinni əbdukəl miskinul mustəkinuz-zəiful fəqirul məhin. Əllahummə la təc`əlni nasiyən lizikrikə fima əvləytəni, və la (ğafilən) liihsanikə fima ə`təytəni, və la ayisən min icabətik, və in əbtəət ənni fi sərraə (kuntu) əv zərraə əv şiddətin əv rəxa, əv afiyətin əv bəlain əv bu`sin əv nə`ma, innəkə səmiud-dua!

Duanın tərcüməsi: “İlahi, özünə heç bir xeyir və zərər verə bilməyən, özündən heç bir acı hadisəni uzaqlaşdıra bilməyən xar və zəlil bir bəndə olaraq bu gecəyə daxil oldum. Bunların özümə qarşı olduğuna şəhadət verirəm. Sənin dərgahında gücümün zəifliyi və çarəmin azlığını etiraf edirəm! İlahi, Mühəmməd və Mühəmmədin Əhli-beytinə salam yetir. Bu gecə mənə və bütün mömin kişi və qadınlara vəd etdiyin məğfirətə əməl et və mənə verdiklərini (nemətlərini) tamamla! Həqiqətən, mən Sənin miskin, əlacsız, zəif, yoxsul və xar bəndənəm. İlahi, məni Sənin mənə verdiyin nemətlər qarşısında zikrini və mənə əta etdiyin ehsanı unudanlardan, dərgahında qəbul etməyindən naümid olanlardan təyin etmə, istər uzun vaxt keçsin, istər xoş olum, istərsə də narahat, istər çətinlikdə olum, istərsə də asanlıqda, istər sağlamlıqda olum, istərsə də bəlada, istər möhtac olum, istərsə də nemət içində! Həqiqətən, Sən duaları eşidənsən!”

7. İki rükət namaz qılmaq; belə ki, hər rükətdə “Həmd” surəsindən sonra yeddi dəfə “İxlas” surəsi oxunsun və namazdan sonra yetmiş (və yaxud yüz) dəfə “Əstəğfirullahə Rəbbi və ətubu iləyh” – deyilsin, yəni tövbə edib Allahdan günahlarınını bağışlanmasını diləsin. Peyğəmbərdən (ə) nəql olunur ki, bu əməli yerinə yetirən şəxs yerindən ayağa qalxmamış onun özü və ata-anası Allah-Taala tərəfindən bağışlanar...

Əlbəttə bu namazla yanaşı, yüz rükət namaz qılmağın da böyük savabı var. Belə ki, hər rükətdə “Həmd” surəsindən sonra on dəfə “İxlas” surəsini oxumaq tövsiyə olunur.

8. Yüz dəfə “Əllahumməl`ən qətələtə Əmirilmu`minin” (İlahi, Əmirəlmömininin qatilinə lənət et!) demək;

9. Bu duanı oxumaq;

يَا ذَا الَّذِي كَانَ قَبْلَ كُلِّ شَيْ‏ءٍ ثُمَّ خَلَقَ كُلَّ شَيْ‏ءٍ ثُمَّ يَبْقَى وَ يَفْنَى كُلُّ شَيْ‏ءٍ يَا ذَا الَّذِي لَيْسَ كَمِثْلِهِ شَيْ‏ءٌ وَ يَا ذَا الَّذِي لَيْسَ فِي السَّمَاوَاتِ الْعُلَى وَ لا فِي الْأَرَضِينَ السُّفْلَى وَ لا فَوْقَهُنَّ وَ لا تَحْتَهُنَّ وَ لا بَيْنَهُنَّ إِلَهٌ يُعْبَدُ غَيْرُهُ لَكَ الْحَمْدُ حَمْدا لا يَقْوَى عَلَى إِحْصَائِهِ إِلا أَنْتَ فَصَلِّ عَلَى مُحَمَّدٍ وَ آلِ مُحَمَّدٍ صَلاةً لا يَقْوَى عَلَى إِحْصَائِهَا إِلا أَنْتَ

Duanın oxunuşu: Ya zəlləzi kanə qəblə kulli şəy`, summə xələqə kullə şəy`, summə yəbqa və yəfna kullu şəy`, ya zəlləzi ləysə kəmislihi şəy`, və ya zəlləzi ləysə fis-səmavatil ula və la fil ərəzinəs-sufla, və la fəvqəhunnə və la təhtəhunnə və la bəynəhunnə ilahun yu`bədu ğəyruh, ləkəl həmdu həmdən la yəqva əla ihsaihi illa ənt, fəsəlli əla Muhəmmədin və ali Muhəmməd, səlatən la yəqva əla ihsaiha illa ənt.

Duanın tərcüməsi: Ey hər şeydən öncə və əvvəl olan, sonra hər şeyi yaradan və daha sonra bütün şeylər fani olacağı halda, baqi və əbədi qalan! Ey tayı-bərabəri olmayan! Ey uca göylər və aşağı yerlərdə, onların üstündə, altında və onların (yer və göylər) arasında ondan başqasına ibadət olunmayan! Səndən başqa kimsənin saya bilmədiyi həmd-səna yalnız Sənə məxsusdur! Mühəmməd və Mühəmmədin Əhli-beytinə Səndən başqa kimsənin saya bilmədiyi qədər salam göndər!

10. Aşağıdakı duanı oxuyun:

اللَّهُمَّ اجْعَلْ فِيمَا تَقْضِي وَ تُقَدِّرُ مِنَ الْأَمْرِ الْمَحْتُومِ وَ فِيمَا تَفْرُقُ مِنَ الْأَمْرِ الْحَكِيمِ فِي لَيْلَةِ الْقَدْرِ وَ فِي الْقَضَاءِ الَّذِي لا يُرَدُّ وَ لا يُبَدَّلُ أَنْ تَكْتُبَنِي مِنْ حُجَّاجِ بَيْتِكَ الْحَرَامِ الْمَبْرُورِ حَجُّهُمْ الْمَشْكُورِ سَعْيُهُمْ الْمَغْفُورِ ذُنُوبُهُمْ الْمُكَفَّرِ عَنْهُمْ سَيِّئَاتُهُمْ وَ اجْعَلْ فِيمَا تَقْضِي وَ تُقَدِّرُ أَنْ تُطِيلَ عُمْرِي وَ تُوَسِّعَ عَلَيَّ فِي رِزْقِي وَ تَفْعَلَ بِي كَذَا وَ كَذَا

Duanın oxunuşu: Əllahumməc`əl fima təqzi və tuqəddiru minəl əmril məhtum, və fima təfruqu minəl əmril həkim, fi ləylətil qədr, və fil qəzail-ləzi la yurəddu və la yubəddəl, ən təktubəni min huccaci bəytikəl həramil-məbrur, həccuhumul-məşkur sə`yuhumul-məğfur zunubuhumul-mukəffəri ənhum səyyiatuhum, vəc`əl fima təqzi və tuqəddiru ən tutilə umri, və tuvəssiə ələyyə fi rizqi, və təf`ələ bi kəza və kəza.

Duanın tərcüməsi: İlahi, hökm və müqəddər etdiyin qaçılmaz əmrində, ayırdığın hikmətli əmrində, dəyişilməyən və geri qaytarılmayan hökmündə məni Öz evinin – “Beytül-Haram”ın həcləri gözəl, səylərinin əvəzi verilmiş, günahları bağışlanmış və pis əməlləri pərdələnmiş hacılarından hesab edəsən. Həmçinin hökm və müqəddər etdiyin işlərdə ömrümü uzun edib ruzimi bol edəsən və mənim üçün bu işləri yerinə yetirəsən...

“Kəza və kəza” sözlərinin yerinə öz hacətlərinizi istəyin.

11. Quranı açıb qarşınızda tutaraq deyin:

اللَّهُمَّ إِنِّي أَسْأَلُكَ بِكِتَابِكَ الْمُنْزَلِ وَ مَا فِيهِ وَ فِيهِ اسْمُكَ الْأَكْبَرُ وَ أَسْمَاؤُكَ الْحُسْنَى وَ مَا يُخَافُ وَ يُرْجَى أَنْ تَجْعَلَنِي مِنْ عُتَقَائِكَ مِنَ النَّارِ

Duanın oxunuşu: Əllahummə inni əs`əlukə bikitabikəl-munzəl və ma fihi, və fihismukəl-əkbər və əsmaukəl-husna, və ma yuxafu və yurca ən təc`ələni min utəqaikə minən-nar.

Duanın tərcüməsi: “İlahi, nazil etdiyin kitaba (Qurana), onun içindəkilərə, içindəki ən böyük adına, ən gözəl adlarına, qorxulu və ümid etməli hər xəbərə xatir Səndən istəyirəm ki, məni cəhənnəm əzabından xilas etdiyin kəslərdən edəsən.”

Sonra Allah-Taaladan öz hacətlərini istə!

12. Quranı başınıza qoyub deyin:

اللَّهُمَّ بِحَقِّ هَذَا الْقُرْآنِ وَ بِحَقِّ مَنْ أَرْسَلْتَهُ بِهِ وَ بِحَقِّ كُلِّ مُؤْمِنٍ مَدَحْتَهُ فِيهِ وَ بِحَقِّكَ عَلَيْهِمْ فَلا أَحَدَ أَعْرَفُ بِحَقِّكَ مِنْكَ

Duanın oxunuşu: Əllahummə bihəqqi hazəl-Qur`an, və bihəqqi ma ərsəltəhu bih, və bihəqqi kulli mu`minin mədəhtəhu fih, və bihəqqikə ələyhim fəla əhədə ə`rəfu bihəqqikə minkə.

Duanın tərcüməsi: “İlahi, Sənə and verirəm bu Quranın haqqını, onu göndərdiyin kəsin (Peyğəmbərin) haqqını, Quranda təriflədiyin bütün möminlərin haqqını və Sənin onların üzərindəki Səndən daha yaxşı heç kimin tanımadığı haqqını!

Sonra on dəfə de:

بِكَ يَا اللَّهُ – Bikə ya Əllahu

On dəfə de:

بِمُحَمَّدٍ – Bi Muhəmmədin

On dəfə de:

بِعَلِيٍّ – Bi Əliyyin

On dəfə de:

بِفَاطِمَةَ – Bi Fatimətə

On dəfə de:

بِالْحَسَنِ – Bil-Həsəni

On dəfə de:

بِالْحُسَيْنِ – Bil-Husəyni

On dəfə de:

بِعَلِيِّ بْنِ الْحُسَيْنِ – Bi Əliyyibnil-Husəyni

On dəfə de:

بِمُحَمَّدِ بْنِ عَلِيٍّ – Bi Muhəmmədibni Əliyyin

On dəfə de:

بِجَعْفَرِ بْنِ مُحَمَّدٍ – Bi Cə`fəribni Muhəmmədin

On dəfə de:

بِمُوسَى بْنِ جَعْفَرٍ – Bi Musəbni Cə`fərin

On dəfə de:

بِعَلِيِّ بْنِ مُوسَى – Bi Əliyyibni Musa

On dəfə de:

بِمُحَمَّدِ بْنِ عَلِيّ – Bi Muhəmmədibni Əliyyin

On dəfə de:

بِعَلِيِّ بْنِ مُحَمَّدٍ – Bi Əliyyibni Muhəmmədin

On dəfə de:

بِالْحَسَنِ بْنِ عَلِيٍّ – Bil-Həsənibni Əliyyin

On dəfə de:

بِالْحُجَّةِ – Bil-Huccəti

Sonra Allah-Taaladan öz hacətlərini istəyirsən!

13. “Fərəc” duasını oxuyun:

اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْناحَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً

Duanın oxunuşu: Əllahummə kulli vəliyyikəl-Huccətibnil-Həsən, sələvatukə ələyhi və əla abaih, fi hazihis-saəh, və fi kulli saəh, vəliyyən və hafiza, və qaidən və nasira, və dəlilən və əyna, hətta tuskinəhu ərzəkə təv`a, və tuməttihəu fiha təvila.

Duanın tərcüməsi: İlahi! Sənin cаnişinin Hüccət ibnil-Həsənə (imam Zaman (ə)) – ona və əcdadına salam və salavatın olsun, indi və hər bir an himayəçi, közətçi, rəhbər, köməkçi, yolgöstərən və qoruyucu ol. O vaxta qədər ki, öz mәslәhәtinlә onu yer üzündə sakin edəsən və onu uzun müddət bəhrələndirəsən.

(“Məfatihul-cinan”, Şeyx Abbas Qummi, “Mübarək Ramazan ayının fəzilət və əməlləri – Qədr gecələrinin əməlləri” bölümü.) ]]>

]]>

Rəbiül-əvvəl ayının 8-i on birinci imamımız İmam Həsən Əskəri (ə)-ın (bir rəvayətə əsasən) şəhadət günüdür.
Miladi tarix ilə 2023-ci ildə sentyabrın 24-nə təsadüf edir.
Tarixçilərin qeydlərinə əsasən, şiələrin on birinci imamı Həzrət Həsən ibn Əli Əskəri (ə) 232-ci hicri-qəməri ilinin Rəbiüs-sani ayının 8-ci, yaxud 10-cu günü dünyaya gəlmiş və 28 il həyat sürmüşdür. Həmçinin əksər tarixçilər İmam Həsən Əskərinin (ə) 260-cı h.q. ilinin Rəbiül-əvvəl ayının 8-də şəhadətə yetdiyini qeyd etmişlər.
Atası İmam Hadinin (ə) 254-cü ildə vəfat etdiyini nəzərə alaraq, İmam Həsən Əskərinin (ə) imamət müddəti Şeyx Müfidin rəvayətinə əsasən, altı il və Səd ibn Abdullahın rəvayətinə görə isə, beş il səkkiz ay olmuşdur. (“Əl-irşad”, Şeyx Müfid, s. 335.) O həzrətin (ə) anasının adının “Hədis” və ya “Hadisə”, bəzi qaynaqlarda isə “Susən” olduğu qeyd edilmişdir. “Uyunul-mucizat” kitabının müəllifi İmam Həsən Əskərinin (ə) anasının düzgün adının “Səlil” olduğunu demiş və onu “O, arif və saleh kəslərdən idi!” ibarəsi ilə mədh etmişdir. (“Biharul-ənvar”, Əllamə Məclisi, c. 50, s. 238.)

İmam Həsən Əskərinin (ə) ləqəblərinin Samit, Hadi, Rəfiq, Zəki, Nəqi və Xalis olduğunu qeyd etmişlər. O həzrət Abbasi xəlifəsinin əmr ilə məcburi şəkildə Samirrada Əskər adlı bir yerdə saxlanıldığı üçün Əskəri adlandırılmışdır. (“İləlüş-şəraye”, c.1, səh.230.) Həm İmam Cavad (ə), həm də İmam Həsən Əskəri (ə) “İbnur-Rza” künyəsi ilə məşhur olmuşlar. Necə ki, İmam Hadi (ə) və İmam Həsən Əskəri (ə) “Əskəriyeyn” ləqəbi ilə tanınmışlar.

Əhməd ibn Übeydullah ibn Xaqan İmam Həsən Əskərini (ə) “qaragözlü, qədd-qamətli, gözəlçöhrəli və qamətidüz” – ibarələri ilə vəsf etmişdir. (“Kəmalud-din”, c. 1, s. 40.)

Təəssüflər olsun ki, İmam Həsən Əskərinin ömrü ya zindanda, ya da sürgünlərdə kеçmişdir. O, iki, ya üç yaşında ikən, atası İmam Hadi (ə) ilə birlikdə sürgün olunaraq ömrünün iyirmi ilini atası ilə yanaşı sürgün və zindanlarda kеçirmişdir. Atasından sonra altı il imamlıq dövrünü də şiddətli məhdudiyyətlər altında yaşamışdır.

O həzrətin atası İmam Hadi (ə) 254-cü ildə şəhadətə çatdıqdan sonra, o həzrətin öz buyruğuna əsasən, oğlu İmam Həsən Əskəri (ə) şiələrin imamı oldu. O həzrət iyirmi iki yaşında ikən atası şəhadətə yetmiş, altı il şiələrin imamı olmuş və ümumilikdə isə, iyirmi səkkiz il həyat sürmüşdür.

İmam Həsən Əskərinin (ə) cəmiyyətdə nüfuz və hörmətinin günbəgün artmasından nigaran olan Abbasi xəlifəsi Mötəmid camaatın o həzrətə olan diqqətinin artdığını, eləcə də zindanın, təzyiq və işgəncələrin mənfi nəticə verməsini gördükdə, öz köhnə kələklərinə əl atıb İmamı gizli şəkildə zəhərləyir və İmam (ə) 260-cı hicri-qəməri ilinin Rəbiül-əvvəl ayının 8-də şəhadətə yetir. Dördüncü əsrin (hicri tarixi ilə) alimlərindən olan Məhəmməd ibn Cərir ibn Rüstəm Təbəri də qeyd edir ki, İmam Həsən Əskəri (ə) zəhərlənmə nəticəsində şəhadətə qovuşmuşdur. (“Dəlailül-imamə”, səh.223.)

İmam Həsən Əskərinin (ə) xidmətçisi Əbülədyandan belə nəql edilir: “Bir gün İmam Həsən Əskəri (ə) məni çağırıb buyurdu: “Bu məktublar mənə yazılmış məktubların cavabıdır, onları Mədainə çatdırmalısan.” Sonra əlavə edərək buyurdu: “On bеş gündən sonra qayıdıb, mənim şəhadətə yetdiyimi görəcəksən.” Soruşdum: “Еy Peyğəmbər (s) övladı! Səndən sonra vəsi kimdir?” İmam (ə) buyurdu: “Mənim məktublarımı səndən soruşacaq şəxs məndən sonrakı imamdır.” Soruşdum: “Bundan başqa, onun nə kimi nişanəsi var?” Buyurdu: “Cənazəmə namaz qılan şəxs məndən sonrakı imamdır.” Yenə soruşdum: “Əlavə nişanə verə bilərsinizmi?” İmam (ə) buyurdu: “Kisədən xəbər verən şəxs məndən sonrakı imamdır.” İmamın (ə) hеybəti-əzəməti məni tutdu və daha bundan artıq sual soruşa bilmədim. Mən məktubları götürüb Mədainə gеtdim. On bеş gündən sonra qayıdıb, İmam Həsən Əskərinin (ə) şəhid еdildiyini və o həzrətə qüsl vеrildiyini gördüm. Az sonra İmamın (ə) qardaşı Cəfərə dеdilər ki, gəlib İmamın (ə) cənazəsinə namaz qılsın. Mən bilirdim ki, Cəfərin imamlığa ləyaqəti yoхdur. Mən hеyrət içində qalmışkən, birdən bir uşaq (imam Mehdi (ə.c.) gəlib Cəfəri kənara çəkdi və cənazəyə namaz qıldı. Namaz qurtardıqdan sonra o, üzünü mənə tutub buyurdu: “Məktubların cavabını vеr.” Bir az sonra Qum şəhərindən neçə nəfər gəlib, İmam Həsən Əskərinin (ə) vəsisinin kim olduğunu soruşdu. Cəfər dеdi ki, imam Həsən Əskərinin (ə) vəsisi mənəm. Onlar dеdilər: “Biz özümüzlə pul və məktub gətirmişik və əgər həqiqətən, sən imam Həsən Əskərinin (ə) vəsisisənsə, dе görək, məktublar kimdən gəlib, kisələrdə nə qədər pul var və o pulların sahibi kimdir? Çünki İmam Həsən Əskəri (ə) həmişə bеlə еdərdi.” Cəfər hirslənib dеdi: “Təəccüblüdür, insanlar məndən qеyb soruşurlar!” Bu zaman imam Həsən Əskərinin (ə) еvindən bir xidmətçi çıхıb, “Fılankəslərin məktubları sizdədirmi? (Məktubların sahiblərinin adları və xüsusiyyətlərini də söylədi.) Həm də sizdə min dinar pul olmalıdır və on dinarının üzərindəki şəkillər pozulmuşdur!” – dedikdə, məktubları və malları ona verib dedilər: “Bunları almaq üçün səni göndərən şəxs imamdır...” (“Kəmalud-din”, c.2, fəsil 43, h.25, s.223.)

]]>

]]> Azərbaycandan olan 672 nəfərlik zəvvar dəstələri, Türkiyənin Iğdır şəhərindən Kərbəlaya yola çıxdı. https://heseneskeri.az/33634-azerbaycandan-olan-672-neferlik-zevvar-desteleri-turkiyenin-gdir-seherinden-kerbelaya-yola-cixdi.html https://heseneskeri.az/33634-azerbaycandan-olan-672-neferlik-zevvar-desteleri-turkiyenin-gdir-seherinden-kerbelaya-yola-cixdi.html Aqshin Mon, 28 Aug 2023 01:14:02 +0400

]]>

Azərbaycandan ən böyük (672 nəfər) zəvvar dəstəsi, İmam Hüseyn (ə) Ərbəin ziyarətinə gedənlər, Turkiyənin Iğdır şəhərindən bu gün İraqın Kərbəla şəhərinə yola düşdülər.

Bu işdə böyük əziyyət çəkən Azərbaycandan olan Tur rəhbərlərinə, xüsusəndə Elşən Ramazanova və 4 gün zəvvarları qonaq saxlayan Iğdır camaatına HesenEskeri.az saytı adından təşəkkürümüzü bildiririk.
Iğdır şəhərindən olan video və fotoları təqdim edirik.

]]>

]]> İyun ayının 13-ü mübahilə günüdür. Mübahilə gününün əməlləri. https://heseneskeri.az/33589-yun-ayinin-13-u-mubahile-gunudurmubahile-gununun-emelleri.html https://heseneskeri.az/33589-yun-ayinin-13-u-mubahile-gunudurmubahile-gununun-emelleri.html Aqshin Wed, 12 Jul 2023 23:40:35 +0400

]]>

❇️ Mübahilə gününün əməlləri

İslamın qələbə çaldığı bu şərəfli gününün özünəməxsus bir neçə əməli var:

1. Qüsl etmək (Mübahilə gününün qüslü niyyətilə);
2. Oruc tutmaq;
3. Günorta azanından öncə iki rükət namaz qılmaq: belə ki, hər rükətdə “Həmd” surəsindən sonra on dəfə “İxlas” surəsi, on dəfə “Ayətül-kürsi” və on dəfə “Qədr” surəsi oxunmalıdır. (“Ayətül-kürsü”nü “Hum fiha xalidun” ayəsinə qədər oxumaq tövsiyə olunur və bu namaz ”Qədir-Xum” bayramı gününə məxsus namazla eynidir.)
4. “Mübahilə” gününün namazından sonra yetmiş dəfə “istiğfar” etmək (tövbə edib Allahdan günahların bağışlanmasını diləmək);
5. Ramazan ayının “Səhər” duasına oxşar olan “Mübahilə” duasını oxumaq:
اللَّهُمَّ إِنِّي أَسْأَلُكَ مِنْ بَهَائِكَ بِأَبْهَاهُ وَ كُلُّ بَهَائِكَ بَهِيٌّ اللَّهُمَّ إِنِّي أَسْأَلُكَ بِبَهَائِكَ كُلِّهِ اللَّهُمَّ إِنِّي أَسْأَلُكَ مِنْ جَلالِكَ بِأَجَلِّهِ وَ كُلُّ جَلالِكَ جَلِيلٌ اللَّهُمَّ إِنِّي أَسْأَلُكَ بِجَلالِكَ كُلِّهِ اللَّهُمَّ إِنِّي أَسْأَلُكَ مِنْ جَمَالِكَ بِأَجْمَلِهِ وَ كُلُّ جَمَالِكَ جَمِيلٌ اللَّهُمَّ إِنِّي أَسْأَلُكَ بِجَمَالِكَ كُلِّهِ...
Oxunuşu: Əllahummə inni əsəlukə min bəhaikə biəbhahu, və kullu bəhaikə bəhiyy. Əllahummə inni əsəlukə bibəhaikə kullih. Əllahummə inni əsəlukə min cəlalikə biəcəllihi, və kullu cəlalikə cəlil. Əllahummə inni əsəlukə bicəlalikə kullih. Əllahummə inni əsəlukə min cəmalikə biəcməlihi, və kullu cəmalikə cəmil. Əllahummə inni əsəlukə bicəmalikə kullih...
Tərcüməsi: İlahi, Sənin Öz nurlu dərəcələrinin nuraniyyətinin haqqına and verib Səndən istəyirəm, bir halda ki, onun bütün dərəcələri nuranidir. İlahi, Sənin nuraniyyətinin bütün dərəcələrinin haqqına and verib Səndən istəyirəm! İlahi, Sənin şövkətinin ən ali dərəcəsinin haqqına and verib Səndən istəyirəm, bir halda ki, Sənin şövkətinin bütün dərəcələri alidir! İlahi, Sənin şövkətinin bütün dərəcələrinin haqqına and verib Səndən istəyirəm! İlahi, Sənin camalının ən ali dərəcəsinin haqqına and verib Səndən istəyirəm, bir halda ki, Sənin camalının bütün dərəcələri alidir! İlahi, Sənin camalının bütün dərəcələrinin haqqına and verib Səndən istəyirəm...
6. Yoxsullara yardım etmək və sədəqə vermək;
7. “Camiə Kəbirə” ziyarətnaməsini oxumaq.

📗 Mənbə: “Məfatihul-cinan”, Şeyx Abbas Qummi, “Zilhiccə ayının əməlləri” bölümü. ]]>

]]>

Bismillahir-Rəhmanir-Rəhim

İmam Rza (ə) atası İmam Museyi-Kazim (ə) vəfat etdikdən sonra Allahın əmri və atasının təyini ilə imamət məqamına çatdı. İmaməti dövrünün bir qisimini Abbasi xəlifəsi Harunun zamanında yaşadı. Daha sonra bir müddət, onun oğlu Əmin və bir başqa hissəsini oğlu Mə’munun zamanında keçirtdi.
Məmun atasından sonra qardaşı Əminlə razılaşa bilmədi və bu, bir çox qanlı döyüşlərə gətirib çıxardı. Sonunda Əmin öldürülərək Məmun xilafət kürsüsünə əyləşdi. [1]
Bu zamana qədər Abbasi xəlifələrinin siyasəti, Şiə seyyidlərə qarşı təzyiq və qanlı bir siyasət yürütmək idi. Getdikcə bu təzyiq daha da artırdı. Bəzən Şiələr qiyam edib qanlı döyüşlər meydana gətirirdilər və bunlar xilafət quruluşunu çətin vəziyyətə salırdı.
Əhli-Beyt İmamları qiyam edənlərlə əməkdaşlıq etməsələr də, cəmiyyətin əksəriyyətini təşkil edən Şiə xalq, imamlara itaəti fərz bilib, onları Peyğəmbərin gerçək xəlifələri olaraq tanıyırdılar. Buna görə də bu mühitin davam etməsi xilafət üçün böyük təhlükə sayılır və onu şiddətlə təhdid edirdi.
Məmun, əvvəlki xəlifələrin yetmiş illik problemlərini və həll edə bilmədikləri köhnə siyasətlərini buraxıb yeni bir siyasətlə bu qiyamları yatırmağı düşündü. Yeni siyasət, 8-ci İmama vəliəhdliyi verərək bütün çətinliklərini həll etmək işi idi. Çünki Şiə seyyidlər də xilafətdə iştirak edincə artıq qiyam etməyəcəkdilər. Digər tərəfdən Şiə öz İmamını da, çirkli və murdar bildikləri kəslər tərəfindən idarə olunan xilafət idarəsinə bulaşmış görsələr, onlar haqqında sahib olduqları mənəvi inanclarını itirər və məzhəbi quruluşları parçalanar və beləliklə xilafət təhlükədən xilas olmuş olardı. [2]
Bu məqsədlərə yetişdikdən sonra da, İmamı yox etməkdə heç bir qorxu olmazdı. Məmun bu məqsədlərini reallaşdıra bilmək üçün imamı Mədinədən Mərvə gətirtdi. İmamı hüzuruna çağırıb ilk olaraq xilafəti, daha sonra vəliəhdliyini imama təklif etdi. Həzrət bəhanə gətirərək qəbul etmədi. Lakin müxtəlif yollara baş vuraraq qəbul etdirdilər. Nəhayət İmam (ə.s) müəyyən şərtlər daxilində vəliəhdliyi qəbul etdi. [3]
Məmun İmam Rza (ə.s)-ı Mərvə gətirdikdən sonra müxtəlif alimlərin iştirakıyla bir çox elmi yığıncaqlar təşkil edirdi və bu yığıncaqlarda İmam ilə digərləri arasında bir çox müzakirələr olurdu. Bu yığıncaqlarda müzakirə edilən, danışılan mövzular ümumiyyətlə fiqhi və etiqadı mövzular idi. Mərhum Təbərsi bu müzakirələrin çoxunu öz kitabında bir araya yığmışdır. [4]
Məmun bu kimi elmi yığıncaqlar təşkil etməklə özünü elm sevər biri olaraq göstərmək istəyirdi. Bu səbəbdən onu digər Abbasi xəlifələrindən ayırmaq lazımdır. Məmunun belə yığıncaqlar təşkil etməkdə başqa məqsədi də vardı. Məmun, İmamı müzakirə mühitinə çəkməklə avam xalqın Əhli-Beyt İmamları haqqındakı “Onlar lədunni elmə sahibdirlər” düşüncəsini yox etmək istəyirdi.
Mərhum Şeyx Səduq bu barədə belə deyir: “Məmun hər təriqətin böyük alimlərini İmamın qarşısına çıxarmaqla o Həzrətin höcciyyəti və bürhanını etibardan salmağa çalışırdı. Məmun, İmam haqqındakı həsədindən, İmamın elmi və ictimai mövqesini çəkə bilməməzliyindən ötəri bu işə müraciət etmişdi. Amma kimsə İmamın qarşısına çıxmırdı. İmamın qarşısına çıxan hər kəs də onun üstünlüyünü etiraf edir və O Həzrətin dəlilləri qarşısında təslim olurdu. [5]
Bir rəvayətdə belə demişdir: Məmun bu işləri etməklə İmamı özünə çəkmək istəyirdi. Lakin İmam səhabələrinə belə buyurdu: “Onun süni işlərinə və özünü camaata göstərmək məqsədiylə etdiklərinə aldanmayın, mən Məmunun əli ilə şəhid ediləcəyəm.” [6]
Ehtimala görə bu yığıncaqlar əvvəllər bu məqsədlə tərtib edilirdi ancaq Məmun bu yığıncaqların özü üçün zərərdən başqa bir şey gətirmədiyini görüncə İmamı məhdudlaşdırmağa başladı. Əbdus-səlam Hiravidən belə nəql edilmişdir: “İmam Rza (ə.s)-ın “kəlami” mövzularda yığıncaqlar tərtiplədiyi və xalqı öz elmiylə heyran etdiyi Məmuna bildirildikdə Məmun, Muhəmməd ibn Əmri-Tusini, camaatı İmamın yığıncaqlarından çəkindirməklə vəzifələndirdi. Ondan sonra İmam, Məmun haqqında qarğış edərək buyurdu:
“Ey yeri və göyləri var edən, ey sonsuz gücə sahib olan Allah, ey dəyişmə və təbdil məhəlli olmayan Allah, ey uca Allah, namazı özünə salavat və salamla şərəfləndirdiyin şəxsə salam və rəhmət göndər, mənə zülmü rəva görən, məni alçaldan və şiələrimi qapımdan qovan şəxsdən mənim intiqamımı al.” [7]
Bu nəhayət Hicrətin 200-cü ilində meydana gəldi. Lakin çox keçmədən Məmun, Şiələrin sürətlə irəliləməsindən, İmama qarşı sevgilərinin çoxalmasından, millətin hətta öz ordusundan və dövlət adamlarından belə İmama yönəlmələrindən bu siyasətin də səhv olduğunu anladı və çarə axtarışına çıxdı. Nəhayət o xain də çarəni İmamı zəhərləyərək şəhid etməkdə tapdı.
İmam (ə.s), şəhid olduqdan sonra İranın indi Məşhəd deyilən Tus şəhərində dəfn edildi.

[1]- “Usulu-Kafi”, c.1, s.488. “Fusulul–Muhimmə”, s.237.
[2]- “Dəlailul–İmamə”, s.197. “MənaqibuibnŞəhraşub”, c.4, s.363.
[3]- “Usulu-Kafi”, c.1, s.489. “əl-İrşad” Şeyx Mufid, S 290. “Fusulul-Muhimmə”, s.237. “Təzkirətul-Xəvas”, s.352. “MənaqibuibnŞəhraşub”, c.4, s.363.
[4]- “əl-Ehticac”, c.2, s.171-237. “Uyunul-Əxbarir-Rza”, c.1, s.126-167. “Biharul-Ənvar”, c.49, s.189-216.
[5]- “Uyunul-Əxbarir-Rza”, s.152.
[6]- “Uyunul-Əxbarir-Rza”, c.2, s.183. “Biharul-Ənvar”, c.49, s.189.
[7]- “Uyunul-Əxbarir-Rza”, c.2, s.171.
Vəssəlamu əleykum və Rəhmətullahi və Bərəkətuh.

SEYYİD MİRƏDDİN HAŞİMİ
etiqad.az ]]>

Bismillahir-Rəhmanir-Rəhim