XARİCİ DİLLƏRDƏ ƏHLİ-BEYTDƏN HƏDİSLƏR / VİDEO

Aqshin — Fri, 06 Aug 2021 17:08:29 +0400

TİBBİ HƏDİSLƏR TOPLUSU. HƏZMETMƏ ORQANININ SAĞLAMLIĞI.

Aqshin — Thu, 15 Jul 2021 19:55:52 +0400

Pəhriz

Peyğəmbər (s): Mədə bütün xəstəliklərin evi, pəhriz isə bütün dərmanların köküdür.

İmam Sadiq (ə): Mədə xəstəlik evi, pəhriz isə yeganə dərmandır.

Həzmə kömək edən vasitələr

a) Kahi

Peyğəmbər (s): Kahı yuxu gətirir və yeməyi həzmə verir.

b) Xurma

. Peyğəmbər (s): Cəbrayıl (ə) mənə xəbər verib ki, bərni xurmasında doqquz xüsusiyyət var: ağız iyini təravətləndirir, mədəni saflaşdırır, yeməyi həzmə verir.

«Kafi»>- Əbu Əmr bir şəxsdən, o da İmam Sadiqdən (ə): <>

Başqa bir rəvayətdə isə deyilir: "Xurma yeməyi həzmə verir, mədədə ağırlıq saxlamır, yorğunluğu aradan qaldırır və insanı doyuzdurur.>>

c) Pendir

İmam Sadiq (ə): Pendir özündən qabaq yeyilənləri həzmə verir və iştaha yaradır.

İmam Sadiq (ə): Sıyıq xaşı həzm elətdirir.
«Məkarimul-əxlaq» - Əli ibn Süleymandan: İmam Rzanın (ə) yanında xaş yedik. Həzrət sıyıq gətizdirdi. Mən doyduğumu bildirəndə dedi: «Azacıq sıyıq yemək xaşı həzmə verir, onun dərmanıdır.>>

d) Diş fırçalamaq

Peyğəmbər (s): Hər kəs gündə iki dəfə dişlərini fırçalasa, peyğəmbərlərin adətini yerinə yetirib, yediyi həzm olunar.

e) Yeməkdən sonra arxası üstə uzanmaq

İmam Sadiq (ə): Yeməkdən sonra arxası üstə uzanmaq bədəni kökəldir, yeməyi həzmə verir və xəstəliyi bədəndən qovur.

«Tərif»: Rəvayət edilib ki, yeməkdən sonra arxası üstə uzanmaq qidanı həzmə verir, damarları açır. Yeməkdən sonra yatmaq da həzmi yaxşılaşdırır.

TİBBİ HƏDİSLƏR TOPLUSU. AĞIZI XOŞƏTİRLİ EDƏN VASİTƏLƏR.

Aqshin — Wed, 30 Jun 2021 13:37:48 +0400

a) Kişmiş

Peyğəmbər (s): Mövüc nə yaxşı təamdır. O, əsəbləri möhkəmləndirir, xəstəliyi aradan qaldırır, qəzəbi yatırdır, Allahı razı salır, bəlğəmi təmizləyir, ağız iyini təravətləndirir vərəngi açır.

b) Pendir

İmam Sadiq (ə): Pendir nə yaxşı təamdır! Ağızı dada gətirir, ağız iyini təravətləndirir, mədədə olanları həzmə verir və iştaha gətirir.

c) Soğan

«Kafi» - Əbdullah ibn Məhəmməd Cufidən: İmam Sadiq(ə) soğanı xatırladaraq dedi: «Ağız iyini təravətləndirir, bəlğəmi aradan qaldırır və cinsi qabiliyyəti artırır.>>

ç) Dağreyhanı

İmam Sadiq (ə): Dağreyhanı peyğəmbərlərin göyərtisidir. Onda səkkiz xüsusiyyət var: yeməyi həzmə verir, damarlardakı tıxacları açır, gəyirmə iyini təravətləndirir, ağız iyini ətirləndirir, iştaha gətirir,...

<«>

d) Kəvər

«Kafi» - Furat ibn Əhnəfdən: İmam Sadiqdən (ə) kəvər haqqında soruşdular. Həzrət dedi: «Yeyin. Onda dörd xüsusiyyət var: ağızın iyini təravətləndirir,...

e) Suud

İmam Sadiq (ə): Dişlərinizə suud sürtün! O, ağızı təmizləyir, cinsi qabiliyyəti artırır.

a) Buxur çeynəmək

İmam Əli (ə): Sənubər çeynəmək dişləri möhkəmləndirir, bəlğəmi və ağzın pis iyini aradan qaldırır.

f) Kəklikotu və duz

<«ağız iyini təravətləndirir, mədəni yumşaldır, ağızdakı pis iyi aradan qaldırır və cinsiyyət qabiliyyətini artırır.

g) Sürmə çəkmək

İmam Sadiq (ə): Sürmə ağızı dada gətirir.

İmam Sadiq (ə): Gecə sürmə çəkmək ağızı xoşiyli edir. Onun faydası qirx günə qədər davam edir.

«
Rəvayətçi soruşdu:

-Necə yəni?

-Çünki dişləri fırçalayanda bəlğəm yuxarıdan aşağı tökülür və göz nurlanır. Sürmə çəkəndə isə bəlğəm tamamilə aradan gedir və beləcə ağız xoşiyli olur.

İmam Sadiq (ə): Sürmə tük gətirir, göz yaşını (gözün sulanmasını) azaldır, ağız suyunu dada gətirir və gözü nurlandırır.

İmam Baqir (ə): İsmid sürməsi ağızın iyini təravətləndirir və kirpikləri bərkidir.

ğ) Rәng qoymaq

Peyğəmbər (s): Rəng üçün xərclənən bir dirham Allah yolunda xərclənən bir dirhəmdən daha üstündür. Onda on dörd xüsusiyyət var: qulaqlardan yeli qovur, gözdən toru götürür, burun damarlarını yumşaldır, ağız iyini təravətləndirir, diş ətini bərkidir, zəifləməyin qarşısını alır, şeytanın vəsvəsəsini azaldır, mələklər onunla sevinir, möminin ürəyi açılır, kafir isə qəzəblənir. O, zinət, xoş ətir, qəbir evində günahlardan amanda olmaqdır. İnkir-minkir ondan həya edir.

İmam Sadiq (ə): Xına tərin pis qoxusunu aradan qaldırır, üzün təravətini artırır, ağız iyini təravətləndirir və uşaq gözəl doğulur.

h) İlıq su

İmam Sadiq (ə): Allahın Rəsulu (s) iftarını halva ilə açardı. Halva tapmayanda şəkər və ya xurmadan istifadə edərdi. Bunların heç biri olmayanda ilıq su içər və deyərdi: <«

TİBBİ HƏDİSLƏR TOPLUSU AĞIZ VӘ DİŞLӘRDӘKİ HİKMӘTLӘR.

Aqshin — Thu, 24 Jun 2021 20:03:04 +0400

İmam Sadiq (ə): Bığ və dodaq ağızın üst tərəfində yerləşdirilib ki, başdan axan maddələri ağıza tökülməkdən qorusunlar, insan yemək və içəcəyindən iyrənməsin və rahat yesin. Kəsici dişlər itiləşdirilib, çünki onların vasitəsilə qida kəsilir. Azı dişlər enli formada yaradılıb, çünki üyütmə və çeynəmə onların vasitəsilə baş verir. İti dişlər uzun yaradılıb ki, kəsici və əzici dişlərə evin dirəkləri kimi dayaq olsunlar.

İmam Sadiq (ə) - Müfəzzəl ibn Ömərə: Ey Müfəzzəl! İnsan üçün yaradılmış dişlərə fikir ver: bəziləri yeməyi kəsmək və doğramaq üçün kəsici, digərləri isə çeynəmək və əzmək üçün enli yaradılıb. İnsanın hər iki işə ehtiyacı olduğu üçün heç birindən məhrum edilməyib.

a) Dişlərin arasının təmizlənməsinin vacibliyi.

Peyğəmbər (s): Cəbrayıl (ə) mənə xilal' gətirdi (və ya xilal haqqında vəhy gətirdi).

Peyğəmbər (s): Ümmətimin xilal işlədənlərinin xoş hallarina!

Peyğəmbər (s): Allah təamdan və dəstəmazdan sonra dişlərini təmizləyənlərə rəhm etsin.

İmam Rza(ə): Allahın Rəsulu (s) buyurub: «Allah öz dişlərinin arasını təmizləyənlərə rəhm etsin!»>

Soruşdular:
-Ey Allahın Rəsulu (s), onlar kimlərdir?

-Dişlərinin arasında qalmış yemək qalıqlarını təmizləyənlər. Əgər yemək ağızda qalarsa, onun iyi dəyişər və mələk o iydən əziyyət çəkər.

Peyğəmbər (s): Yemək qalıqlarını ağızlarından təmizləyənlərin xoş halına. Mələyə ən ağır gələn şey ağızda qalmış yemək qalıqlarıdır.

Peyğəmbər (s): Dişlərinizin arasını təmizləyin. Mələklərin ən acığı gəldiyi şey bəndənin dişlərində yemək qırıntıları görmələridir.

Peyğəmbər (s): Dişlərin arasını təmizləməmək onları çürüdür.

Peyğəmbər (s): Ağızlarınızı xilalla təmizləyin.

İmam Baqir (ə): Kəbə müşriklərin nəfəslərindən Allaha şikayət etdi. Allah belə vəhy etdi: «Ey Kəbə, rahat ol ki, mən onları öz dişlərini ağac çubuğu ilə təmizləyən insanlarla əvəzləyəcəyəm.» Allah Məhəmmədi (s) peyğəmbərliyə çatdırdıqdan sonra Cəbrayıl vasitəsilə ona xilal və diş fırçalamağı vəhy etdi.

İmam Sadiq (ə): Cəbrayıl (ə) Allahın Rəsuluna (s) diş fırçalamağı, xilal və qan almağı vəhy etdi.

İmam Sadiq (ə): Hər kəs yemək yesə, dişlərinin arasını təmizləsin. Təmizləməsə, əziyyəti olacaq.

<«>

Sirkə, saleh kişi kimi öz ev əhli üçün bərəkət istəyər. Həzrətə dedim:

-Sənə fəda olum, xəllal və mütəxəllillər kimlərdir?-Xəllal - evində sirkə saxlayan, Mütəxəllil isə xilaldan istifadə edənlərdir.

b) Dişlərin arasını təmizləməyin faydaları

Peyğəmbər (s): Dişlərinizin arasını təmizləyin. Bu, təmizlikdir. Təmizlik də imana çağırır. İman isə öz sahibi ila birlikdə cənnətdədir.

Peyğəmbər (s): Yemək yeyəndən sonra dişlərinizin arasından yemək qırıntılarını təmizləyin. Bu, azı və digər görsənən dişlərin sağlamlığı, bəndəyə ruzi gətirəndir.

Peyğəmbər (s): Yemək yeyəndən sonra dişlərinizin arasından yemək qalıqlarını təmizləyin və ağzınızı yuyun. Bu, azı və digər görsənən dişlərin sağlamlığıdır.

Peyğəmbər (s): Yemək yeyəndən sonra dişlərinizin arasını təmizləyin. Bu, ağzı təmizləyir, diş ətini sağlam edir.

Peyğəmbər (s): Dişlərinizin arasını təmizləyin. Bu, azı və
görsənən dişlərin təmizliyidir.

Peyğəmbər (s) - Əliyə (ə) vəsiyyətində: Ey Əli, xilal səni mələklərə sevdirəcək. Çünki mələklər yeməkdən sonra ağızlarını təmizləməyənlərin ağız iyindən əziyyət çəkirlər.

«Kafi» - Əhməd ibn Əbdullah Əsədi bir şəxsdən, o da İmam
Sadiqdən (ə): Peyğəmbər (s) Cəfər ibn Əbi Talibə (ə) xilal verərək dedi: -Ey Cəfər, dişlərinin arasını təmizlə. Bu, ağzın (və ya diş ətinin) sağlamlığı və ruzi cəlb edəndir.

«Kafi» - Vəhəb ibn Əbd-Rəbbihdən: İmam Sadiq (ə) dişlərinin arasını təmizləyir, mən də ona baxırdım. Həzrət dedi: «Allahın Rəsulu (s) dişlərinin arasını təmizləyərdi. O, ağzı xoşiyli edir.

İmam Sadiq (ə): Yeməkdən sonra dişlərin arasını təmizləmək diş ətini möhkəmlədir, ruzini artırır və ağız iyini xoşətirli edir.

c) Dişlərin arasını təmizləməyin qaydaları

Peyğəmbər (s): Hər kəs dişlərinin arasını təmizləsə, qırıntıları atsin (udmasın). Bu cür etsə daha yaxşı olar, ancaq udsa da eybi yoxdur.

İmam Sadiq (ə): Dişlərinizin arasından çıxartdığınız qırıntıları udmayın. Qarındakı çiban ondan yaranır.

İmam Sadiq (ə): Dilinlə çıxartdığın qırıntıları ud, xilalla çıxartdıqlarını isə at.

İmam Kazim (ə) - Fəzl ibn Yunisə: Ey Fəzl, dilinlə çıxartdığın qırıntıları əgər istəsən ud, xilalla çıxartdıqlarını isə xoşlamasan,at.
İmam Kazim (ə): Xilalın haqlarından biri budur ki, dilini ağzında dolandırasan. Əgər bir şey çıxsa, udasan, qalanlarını isə xilalla çıxardıb atasan.
«Kafi» - Fəzl ibn Yunisdən: İmam Kazim (ə) mənim yanımda yemək yedi. Yeməkdən sonra ona xilal verdilər. Həzrətə dedim:
Bu xilalın işlətmə qaydası necədir?
Dedi:
-Ağzında qalan və dilinlə çıxartdığın qırıntıları ye,xilalla çıxartdıqlarında isə, ixtiyar sahibisən: istəyirsən ud,
istəyirsən çölə tulla.

«Məhasin»> - Fəzl ibn Yunis Katibdən: İmam Musa ibn Cəfər(ə) Hüseyn ibn Yəzidin bir işinə görə mənim yanıma gəlmişdi. Həzrətə dedim ki, yeməyimiz hazırdır. İstəyirəm ki, mənimlə yeyəsən! Dedi:
-Biz qarşımıza çıxan təsadüfi yeməkləri yeyirik.
Əyləşdi. Mən yemək gətirdim, dizinin üstünə dəsmal qoydum. Həzrət dəsmalı bir tərəfə qoyub yeməyə başladı. Sonra mənə dedi:
-Ey Fəzl, damaq və ağızın ətrafına yapışan qırıntıları ye,amma dişlərinin arasında qalanları yemə.

İmam Hüseyn (ə): Əmirəlmöminin (ə) bizə əmr etmişdi ki, dişlərimizi təmizləyəndə ağzımıza üç dəfə su çəkmədən su içməyək.

<«>

ç) Diş təmizləmək üçün yaxşı hesab olunmayan şeylər

İmam Sadiq (ə): Allahın Rəsulu (s) qamış və reyhan çubuğu ilə dişlərin arasını təmizləməyi qadağan edib.

İmam Sadiq (ə): Allahın Rəsulu (s) nar çubuğu, yarpağı ətirli olan ağacın çubuğu və qamışla dişlərin arasını təmizləməyi qadağan etdi və dedi: «Bunlar xora xəstəliyinə meyli artırırlar.>>>
İmam Sadiq (ə): Peyğəmbər (s) xurma yarpağı və qamışdan başqa əlinə düşən istənilən şeylə dişlərinin arasını təmizləyirdi.

İmam Kazim (ə): Reyhan və nar çubuğu ilə dişlərinizin arasını təmizləməyin. Onlar cüzamın damarlarını hərəkətə gətirirlər.

YADDAŞSIZLIĞI ARADAN QALDIRMAĞA FAYDALI OLAN VASİTƏLƏR

Aqshin — Mon, 14 Jun 2021 22:34:03 +0400

Peyğəmbər (s): Beş şey yaddaşsızlığı və bəlğəmi aradan qaldırır, hafizəni artırır: dişləri fırçalamaq, oruc tutmaq, Quran oxumaq, bal və buxur yemək.

Peyğəmbər (s): Buxura çox meyl göstərin. O, ... və əqli artırır, zehni saflaşdırır, gözü nürlandırır və yaddaşsızlığı aradan qaldırır.

«Kənzul-ummal» - Əbdullah ibn Cəfərdən: Bir kişi Əli ibn Əbi Talibin (ə) yanına gələrək yaddaşsızlıqdan şikayətləndi. Həzrət ona dedi: «Buxura meyl göstər. O, qəlbi şücaətləndirir və unutqanlığı aradan qaldırır.»

İmam Sadiq (ə): Üç şey yaddaşsızlığı aradan qaldırıb hafizəni gücləndirir: Quran oxumaq, dişləri təmizləmək və 1 oruc tutmaq.

İmam Rza (ə): Hər kəs yaddaşsızlığını azaldıb hafizəsini gücləndirmək istəyirsə, hər gün balnan qatışdırılmış üç zəncəfil dənəsi və yeməyinə xardal qatıb yesin. Hər kəs əqlinin artmasını istəyirsə, hər gün evdən çıxmamış acqarına üç qara mirobalanı nabatla çeynəsin.

Şeytanın insana vəsvəsəsi Hacı Eldayaq

elekber — Wed, 18 Nov 2020 16:23:47 +0400

Xanım Məsumə (s.ə) barəsində hədis

elekber — Wed, 18 Nov 2020 16:21:45 +0400

Can verən insanın intizarı Hacı Ramil

elekber — Wed, 18 Nov 2020 16:18:27 +0400

Tənhalıq haqqında Hacı Ramil

elekber — Wed, 18 Nov 2020 16:01:30 +0400

Ramil - Pis xasiyyət qəlbi viran edir

elekber — Wed, 28 Oct 2020 17:08:34 +0400

Hədislər - Həsən Əskəri Dərnəyi